جاتوه

جاتوه الشيكولاتة 

المقادير : 

٣ كوب دقيق
١/٢ كوب زيت درة
١ كوب لبن
١كوب سكر
٣بيضات
٤معالق كبيرة كاكاو خام أو ٦معالق نسكويك
ربع كوب تشوكليت شيبس
كيس بيكنج بودر
كيس فانيلا
نوتيلا وصوص شيكولاتة ومكسرات وكريم شانتيه

الطريقة :

حطي الدقيق والبيكنج بودر والشوكليت شيبس في بولة عميقة وقلبيهم كويس

إضربي باقي المكونات في الخلاط كلهم مع بعض كالآتي :

البيض مع الفانيلا الأول وبعدين إنزلي باللبن والسكر وبعدين الكاكاو وبعدين الزيت هتلاقي القوام بقا تقيل معاكي إنزلي بالخلاط فوق الدقيق والبيكنج بودر والشوكليت شيبس وقلبي كل المكونات مع بعض
إفرديها في صنيتك ودخليها الفرن وتكوني مسخناه فيلها بنص ساعة علي الأقل
طلعيها تبرد هتلاقي الشوكليت شيبس ساحت جواها وهتديكي طعم وقوام قطعة الجاتوه بالظبط
ولما تبرد قطعيها مثلثات أو مربعات أو مستطيلات وإدهني وشها شيكولاتك نوتيلا وكريم شانتيه وأي شيكولاتة أو مكسرات تناسبك ...

بالهنا والشفا