قالب كفته الفراخ

قالب كفته الفراخ

المكونات
1 كيلو فراخ مفرومه
1 كوب بقسماط مطحون
1 كيس خضار مشكل بسله وجزر
1 ربطه شبت مفروم
1 ربطه كزبره خضراء مفرومه
4 بيضه
ملح وفلفل اسود
1 معلقه كبيره كزبره ناشفه
1 معلقه كبيره زعتر بودره

الطريقه
بعد فرم الفراخ فى ماكينه الفرم هناخد لحم الفراخ ونضيف عليه كل التوابل والخضار والبيض والبقسماط المطحون مع التقليب كويس جدا عشان كل مكونات الخضار والتوابل تتجانس مع الفراخ وبعدين هنجهز قالب زى قالب التوست بظبط او لو مش عندك ممكن تجهزى صينيه مدهونه ماده دهنيه وبعدين هنحط خليط الفراخ بالخضار كله فى القالب وبعدين هندخله الفرن على درجه حراره 180 لمده ساعه وبعد كده هنخرجه من الفرن ونسيبه يبرد وبعدين نقطعه شرئح ونقدمه وبجانبه اى نوع مكرونه بتحبوه

ام علي

أم علي بالمكسرات

المقادير:

• 5 أكواب لبن حليب محلي.
• 5 رقائق جلاش.
• 2 معلقة كبيرة زبد.
• 3 معالق كبيرة كريمة لباني.
• نصف كوب زبيب.
• ربع كوب \بندق.
• ربع كوب لوز.

الطريقة:

1- حطي الجلاش على صاج أو صينية للفرن وحمصيه في فرن.
2- أحضري البندق واللوز وحطيهم على صاج أو صينية للفرن، وحمصيهم في الفرن لمدة 4 دقائق.
3- في الوقت اللي أنتِ بتحمّصي فيه المكسرات سخني اللبن.
4- قطعي رقائق الجلاش إلى قطع متوسطة وحطيها في طاجن كبير، وضيفي إليها البندق واللوز والزبيب وبعد كده حطي اللبن في ثلثين الطاجن.
5- سخني الفرن حتى درجة حرارة متوسطة (200 مئوية)، وحطي الطاجن في الفرن لمدة 15 دقيقة أو لغاية ما تلاقي إن رقائق الجلاش بدأت في امتصاص اللبن.
6- خرجيه من الفرن وضيفي إليه الزبدة والكريمة من على الوش، ودخليه الفرن تاني لمدة 20 دقيقة أخرى أو لغاية ما تلاقي لونه بقى ذهبي خرجيه.. وبالهنا والشفا.

دجاج بالجبن الشيدر

الدجاج بالأرز والجبن الشيدر

المقادير:
1 دجاجة كاملة
2 ملعقة كبيرة دقيق
2 بصلة كبيرة مبشورة
1/2 ملعقة صغيرة ملح وفلفل
2 كوب أرز
2 كوب لبن
1 مكعب مرقة دجاج ماجي
3/4 كوب جبنة شيدر مبشورة

طريقة التحضير:
• قطعى الدجاجة إلى أربعة أجزاء و تبليها بنصف مقدار خليط البصل و الملح و الفلفل .. و اضيفى النصف الاخر على الارز بعد غسله
• اذيبي مكعب مرقة الدجاج ماجي في اللبن الدافئ .. اتركيه جانباً حتى يبرد.
• ضعي الأرز في قالب فرن .. صبي عليه اللبن، ثم رصي فوقه قطع الدجاج .. غطي القالب بورق فويل و ادخليه الفرن على درجة حرارة 180 لمدة 45 دقيقة ، ثم أخرجيه وانزعي ورقة الفويل .. رشي الجبنة الشيدر المبشورة على الوجه، ثم ادخلي الصينية مرة أخرى الفرن لمدة 15 دقيقة أو حتى تسيح الجبنة .. قدميها ساخنة.
وبالصحة والهنا…

شوربة السي فود

 

شوربة السي فود بالكريمه


المقادير
1 كوب جمبرى مفشر
1 كوب سمك مكعبات
1/2 كوب كاليمارى حلقات
1 كوب بلح البحر
1 عود كرفس مكعبات
1 حبة بصل مفروم ناعم
1 م ك ثوم مفروم
1 كوب كريمه لبانى(كريمة طبخ)
1/2 لتر ماء
ريحان مفروم
بقدونس مفروم
3 م ك زيت نباتى
ملح _ فلفل

الطريقه
نحط الزيت والبصل والكزبره على النار ونقلب لغاية ما البصل يدبل..وبعدين نضيف الثوم ونقلب لغاية ما التوم كمان يدبل.. وبعدين نضيف الماء والملح وبلح البحر ..وهنسيبهم يستوو مع بعض..
بعد السواهنضيف الكاليمارى والسمك والجمبرى والريحان والفلفل الاسمر..ونسيبهم يغلو مع بعض علشان الكاليمارى كمان يستوى..
السبب اننا محطيناش الكاليمارى والسمك والجمبرى فى الاول لانهم من غير قشره زى البلح
بعد كده هنضيف الكريمه..
وتقدم وتزين بالبقدونس المفروم

الثومية

 

 الثوميه لها كذا طريقة

 

 ١ )  مايونيز وعليهم ثوم بودره وشوية ملح  

2) الطريقة التانيه للثومية انك تجيبي بطاطس مسلوقه وتهرسيها مع فص توم مهروس وتضربيهم في االخلاط ومعاه ملح وفلفل ومايونيز

 

 

 

3) التوميه معلقتين مايونيز معلقتين زباده فص توم مبشور ناعم وذره ملح وتقلبي وتسبيهم ف التلاجه شويه سلطه الزبادى علبه زبادى فص توم مبشور خياره مبشوره لمونه وذره ملح وممكن تحطي نعناع ناشف المايونيز بيتعمل بيه ممكن سلطه بطاطس مكعبات بالمايونيز او خضار مشكل او قاصوليا خضرا

 

 

 

*** طريقة عمل المايونيز البيتي   : اسهل طريقة لعمله  تقطعي خس كابوتشي شرايح رفيعة اوى وجزر مبشور الكميات اللي تحبيها وتحطي عليها من علبة مايونيز جاهزة كام معلقة على رشة سكر واذا احتاجتى تخففي خففي بالزبادى او بلبن بس كدا ده افضل طريقة ...

 

 

 

شوربة الجمبري

فلفل حلو مقطع حلقات

طماطم مقطعة

ثوم، "3 فص"

بصل مقشر ومقطع شرائح، "حبة"

جمبرى مغسول ومقشر

زيت ذرة، "3 ملعقة كبيرة"

ملح.. حسب الرغبة

فلفل.. حسب الرغبة

ليمون، "2 حبة"

صلصة الطماطم، "علبة"

ماء، "4 كوب".

طريقة التحضير:

ضعى الجمبرى والبصل والثوم والطماطم والفلفل الحلو وزيت الذرة والملح والفلفل مع بعض فى صينية.

قطعى شرائح الليمون ثم ضعيها على نار متوسطة لمدة ساعة تقريباً، ثم اضيفى الصلصة والماء واتركى المزيج حتى ينضج ويصبح ثقيلاً نوعاً ما.

صينية البطاطس المقرمشة

صينية البطاطس المقرمشة

المكونات

500 جرام بطاطس مسلوقة
 

نصف كوب لبن طازج
 

نصف ملعقة فلفل احمر
 

بهارات مشكلة
ملح

فلفل اسود
ملعقة زيت زيتون
نصف كوب جبنة شيدر مبشورة
نصف كيلو لحم مفروم
بصلة مفرومة
نصف كوب بصل اخضر




طريقة التحضير

نهرس البطاطس المسلوقة

نضع الزبدة

اللبن

الجبنة المبشورة

رشة ملح
فلفل اسود
ونقلب
الحشوة
نضع الزيت في المقلاة
نضيف البصل
الفلفل الأحمر
البهارات
والفلفل الأسود
والملح
يقلب
نضع اللحم المفروم
الصنوبر المقلي
نحمره
حتي الاحمرار
نضيف البصل الأخضر
نضع طبقة من البطاطس
نضع حشوة اللحم المفروم
نضيف طبقة أخري من البطاطس
الجبنة المبشورة
 
توضع بالفرن لمدة نصف ساعة
تقدم مع سلطة خضراء

 

هذه الوصفة من موقع فتافيت 

كيف تحمي نفسك من العطش في الصيام

نُشر منذ قليل على صفحة ثقف نفسك

يتزايد شعور المرء بالعطش خلال شهر رمضان, لا سيما مع ارتفاع درجات الحرارة فى فصل الصيف خاصة الايام التى نمر بها الآن ومع ازدياد عدد ساعات الصيام هذه السنه لتصل إلى حوالى 16 ساعة قررنا ان نقدم لكم اهم الطرق لمواجهة الشعور بالعطش وكيف تحمي نفسك منه  عليكم اتباع النصائح المدونة بالصورة

وكل عام وأنتم بخير  و رمضان كريم

كاسترد البندق

  

المقادير : 

3 ملاعق كبار  من الكاسترد 

3 كوبايات لبن 

سكر بودرة الكمية حسب رغبتك 

الطريقة : 

نقوم باذابة الكاسترد مع اللبن 

ثم نضع جميع المقادير مع بعضها  علي نار هادئة

مع التقليب المستمر 

الي ان يصبح القوام غليظ 

نتركها تبرد 

ونضعها في القوالب الخاصة بها ونزينها بالبندق او مكسرات حسب ذوقك

وبالهنا والشفا 

 

 

كيك بصوص الشوكولاتة

كوب لبن و كوب و ربع سكر و و ثلاث ترباع كوب زيت و 3 معالق كاكاو خام تضربيهم مع بعض في الخلاط و بعدين تحطي كيس فانيليا و 3 بيض و بعدين تخلطيهم مره تاني في الخلاط فترة طويله شويه
و بعدين تحطي الخليط كله في طبق و تحطي عليهم كيس بيكنج بودر و كوب دقيق و تقلبيهم بالمضرب السلك لحد ما يتناسق القوام و تشوفيها اذا كانت محتاجه دقيق تاني ولا لا بس يا ستي و بعدين تحطي الخليط في صينيه مدهونه سمن ورشه عليها شويه دقيق

طريقه الصوص:
كوب لبن و 2 معلقه لبن نيدوو 3 معالق كاكاو و كوب زيت و تلات ارباع كوب سكر وكيس كريم شانتيه تخلطيهم في الخلاط و بعدين تحطيم في طبق و تحطيهم في الثلاجه شويه علشان تبقي زي الشوكولاته

للتزيين :

بندق وجوز هند 

بالهنا

لهذه الاسباب تناول الفواكـــه

سلطة الزبادي

المكونات:

4 خيار

2 فص ثوم مفروم

1 كوب زبادي

2 ملعقة شبت مفروم

3 ملاعق كبيرة زيت زيتون

1 ملعقة صغيرة فلفل أبيض ناعم

1 ملعقة كبيرة عصير ليمون



الطريقة:

1- يقشر الخيار بعد غسله، ثم يقطع إلى حلقات رقيقة، ونضع عليه القليل من الملح، ويترك لمدة ساعة.

2- نخلط كلا من الثوم مع الزبادي والليمون والشبت والملح مع الفلفل، ويخلط جيدا.

3- يضاف الزيت إلى الخليط، ويخلط جيدا.

4- ترص حلقات الخيار في طبق التقديم، ثم نصب عليها الخليط.

5- تترك لمدة حتى يتشرب الخيار الخليط، ويقدم