الأربعاء، 24 أكتوبر 2012

فخدة ضاني مع الرز والمكسرات

فخدة ضاني مع الارز بالمكسرات

المقادير :

فخدة ضاني
بصلة مفرومة ناعم جدا
فصين توم مفرومين
توابل : ملح - فلفل اسود - بهارات مشكلة - قرفة - حبهان - جنزبيل - كزبرة - قرنفل - ورق لوري

الطريقة بالصور :

نغسل الفخذة كويس جدا ونعمل فيها شقوق بالسكينة في كذا حتة .
  
نخلط التوابل مادعدا القرنفل وورق اللوري مع البصلة المفرومة والثوم
 شكل البصل بعد ما خلطناه مع التوابل
 
نتبل بيها الفخذة كلها وش وظهر وندعكها كويس ونحاول نوصل التتبيلة في الشقوق اللي عملناها عشان تتشربها
 
وبعدين نلفها ونحطها في التلاجة يوم كامل ..

اما طريقة الارز

بتنقعي 2 كوب رز بسمتي في ماء ساخن نص ساعة ..
وبعدين تقلي بصلة مفرومة في الزيت ( 4 ملاعق او 5 زيت ) الرز البسمتي كل لما تزودي زيت كل لما يبقى احلى معاكي ولما تصفر تحطي عليها 3 اكواب ماء والتوابل اللي هي :
نص ملعقة قرفة - ملح - فلفل اسود - 4 فصوص حبهان و 4 قرنفل - ورقتين لوري - ربع معلقة كاري - نص معلقة كركم - ربع معلقة جنزبيل وكبشة زبيب
وتسيبي الرز يستوي تلت ساعة .. وبعدين تحمري اللوز والزبيب في السمن وتزينيه بيها ..ثم تضعى عليها الفخدة وتدخليهم الفرن 
 وبالهنا والشفا وعيد اضحي سعيد علي الجميع
Related Posts Plugin for WordPress, Blogger...